Biri var idi, biri yox idi, bir sərçə var idi. Adı Cik-Cik xanım idi. Bir gün Cik-Cik xanım bir qaratikan kolundan o birinə qonub cik-cik eləyirdi. Birdən Cik-Cik xanımın ayağına tikan batdı. Nə qədər əlləşdi çıxara bilmədi...
Rus Dram Teatrında uşaqlar üçün V. Neverovun eyni adlı əsəri əsasında "Nağılı tap 2" musiqili tamaşası nümayiş etdiriləcək. Tamaşada 20-yə yaxın tanınmış uşaq nağıllarının qəhramanları iştirak edəcək.
Gənc Tamaşaçılar Teatrında Mirzə Fətəli Axundzadənin əsəri əsasında səhnələşdirilən "Müsyö Jordan və Dərviş Məstəli şah" tamaşası göstəriləcək. Tamaşa Azərbaycanın dahi dramaturqu Mirzə Fətəli Axundzadənin 200 illik yubileyinə həsr olunub.
Azərbaycan Dövlət Gənc Tamaşaçılar Teatrında yazıçı Dilsuz Mustafayevin Azərbaycan Xalq nağılı “Əlincə qalası” əsasında qələmə aldığı eyniadlı pyesin premyerası nümayiş etdiriləcəkdir. Bir hissəli əfsanəvi nağıl tamaşanın quruluşçu rejissoru Xalq artisti Cənnət Səlimovadır. Tamaşada rolları Xalq artistləri Yasin Qarayev, Ağaxan Salmanlı, əməkdar artistlər Gülər Nəbiyeva, Atabala Səfərov, Seyidşah Məmmədov və başqaları ifa edəcəklər.
Çoxdan sevilən nağillar əsasında tamaşalar qoymaqla Kukla teatrı balaca balalarımızı sevindirməyə davam edir. Belə bir tamaşalardan biri də M. Seyidzadənin "Cirtdan" adlı nağılı əsasında qoyulan tamaşadır. Cırtdan - Azərbaycan folklorun personajı olaraq, balaca bir oglan uşağı obrazında tanınır.
Bu tamaşada balaca Cırtdanın başına gələn sərgüzəştlərdən, ağlı və tədbirliyi sayəsində güclü, lakin axmaq divə qalib gəlməsindən, özünü və qardaşlarını bəladan xilas etməsindən danışılır.
Azərbaycan Dövlət Kukla teatrın səhnəsində K. Ağayevin eyni adlı əsəri əsasında "Göyçək Fatimə" uşaqlar üçün tamaşası təqdim olunacaqdır. “Göyçək Fatma” tamaşası Kəmalə Ağayevanın eyni adlı mənzum pyesi əsasında hazırlanmışdır. Bu tamaşa məhşur “Zoluşka” (Küllücə) mövzusunun Azərbaycan versiyasıdır. Bu mövzu çox xalqların şifahi xalq ədəbiyyatında müxtəlif adlarda və tövürlərdə mövcuddur.
Gənc Tamaşaçılar Teatrında “Pəri Cadu” adlı uşaqlar üçün tamaşa səhnələşdirilir. Qeyd edək ki, iki hissəli dram Əbdürrəhim bəy Haqverdiyevin eyniadlı əsəri əsasında qoyulur. Tamaşada Xeyir (Mələk) və Şərin (Şeytan) bitməz mübarizəsindən söz açılır.
1 iyun demək olar ki, bütün ölkələrdə Uşaqların Beynəlxalq Müdafiəsi Günü qeyd edilir. Bu, uşaqlar üçün ən sevimli bayramlardan biridir. Bu bayram böyüklərə uşaqların onların qayğısına və müdafiəsinə ehtiyacı olduğunu xatırladır. Uşaqların Beynəlxalq Müdafiəsi Günü Heydər Əliyev adına Sarayda möhtəşəm konsertlə qeyd ediləcək. Konsertdə müxtəlif uşaq kolektivləri və ansamblları iştirak edəcək.
1 və 2 iyun Uşaqların Beynəlxalq Müdafiəsi Günü Opera və Balet Teatrının səhnəsində "Maşa və ayı" qastrol tamaşası göstəriləcək. Bütün qonaqları parlaq və gözəl tamaşa, əsl uşaq bayramı gözləyir. Biletlərin qiyməti 6 AZN-dən başlayır. Məlumat almaq üçün zəng edin: (+994 12) 598 17 72, 598 17 74. Bron etmək üçün zəng edin: (+994 70) 999 59 98
1 iyun Uşaqların beynəlxalq müdafiəsi günündə "Uşaqların xoşbəxt gələcəyi" (Happy Future of Children) ictimai birliyi tərəfindən təşkil edilən Do-Good Party keçiriləcək. Tədbir Four Seasons Hotel Baku-da keçiriləcək. Uşaqları nağıl və cizgi filmi qəhrəmanlarının iştirakı, müsabiqələr, oyunlar və musiqilərlə parlaq və maraqlı şou gözləyir.
2 iyun Heydər Əliyev adına Sarayda "Uşaq və Karlson" tamaşası göstəriləcək. Tamaşa Ümumdünya Uşaqların Müdafiəsi Gününə həsr edilib. Siz və uşaqlarınız Moskva Müstəqil Teatrının quruluşunda İsveç yazıçısı Astrid Lindqrenin ən sevimli personajlarından birinin qonağı olacaqsınız.
5
1351502409.JPG)
